Friday, June 14, 2024
HomeRajoniVetura godet bashkëshortin e Shkurte Fejzës (Foto)

Vetura godet bashkëshortin e Shkurte Fejzës (Foto)

Hajrush Behluli, bashkëshorti i këngëtares Shkurte Fejza është goditur sot nga një veturë në Prizren.
Lajmin e ka konfirmuar për Telegrafin, vajza e tij, Gresa Behluli.
“Po është goditur nga një veturë, por është në gjendje të mirë shëndetësore”, tha shkurtimisht ajo.

Lidhur me rastin, Telegrafi ka provuar të marr edhe një koment nga Policia e Kosovës, por deri në publikimin e lajmit nuk ka pranuar ndonjë përgjigje.

Ditëve të fundit, Hajrush Behluli është përfshirë në një debat publik, pas deklaratës së hoxhës Shefqet Krasniqi për Shkurte Fejzën, i cili kishte thënë se muzika në përgjithësi nuk është e pëlqyeshme për të.

“Shkurta tekstet i ka të mira, por më dhimbet shumë se nuk është shumë fetare aq sa duhet, ndoshta një ramazan e ka, por është pak. Do të doja që Shkurta si një figurë e njohur kombëtare të ishte fetare, sepse edhe ajo ka me vdekë si unë, edhe hiq larg nuk e ka se i ka bërë disa vjet të mira”, kishte deklaruar Krasniqi.

Pas kësaj, kishte reaguar bashkëshorti i këngëtares, Hajrush Behluli, i cili ka theksuar se feja e tyre është shqiptaria.

“Sa për informacionin e të gjithë juve që e keni shitur shpirtin te padronët tuaj ju them shumë kjartë: Shkurte Fejza dhe familja ime besojmë fuqishëm, me bindje dhe me zemër në të madhin Zot e sa për ideologjitë tuaja fetare dhe vlerësimet e lloj lloj të çmenduri as që e vrajmë mendjen.Besojmë vetëm në Zot dhe feja e jonë është vetëm SHQIPTARIA. P.S ky tipi po gënjen sepse ky nuk e ka ditur a jemi fetar apo jo sepse fatmirësisht kurrë në jetë nuk e kemi takuar e as biseduar në telefon andaj le të merret me ata që komunikon”, kishte deklaruar Behluli.

Lidhur me deklaratën e hoxhës ka pasur disa reagime.

RELATED ARTICLES

Lajmet e fundit

Recent Comments