Shëndeti publik i Maqedonisë po ballafaqohet me një varg problemesh kyçe që ndikojnë në cilësinë e shërbimeve shëndetësore. Financimi i pamjaftueshëm shpie në mungesë të furnizimeve bazë mjekësore dhe pajisjeve. Spitalet e vjetra dhe të rinovuara jo plotësisht përkeqësojnë gjendjen. Mungesa e kuadrit mjekësor, veçanërisht specialistëve, po mbingarkon mjekët dhe infermierët ekzistues, duke krijuar lista më të gjata pritjeje për pacientët. Korrupsioni dhe digjitalizimi i pamjaftueshëm i sistemit shëndetësor dëmtojnë besimin dhe zvogëlojnë efektivitetin. Investimi i pamjaftueshëm në programet e shëndetit publik dhe parandalimit rezulton në incidencë të lartë të sëmundjeve kronike dhe infektive. Si mund t’i zgjidhim këto probleme dhe të përmirësojmë sistemin shëndetësor?
Në këtë pjesë të “24 otvoreno-e hapur” diskutojmë me ministrin e ri të Shëndetësisë, Arben Taravari, doktor i shkencave mjekësore Niko Beçarovski, kryetari i Shoqatës së të sëmurëve me LKM Pepo Levi, dhe specializantja e mjekësisë interne Hristina Ilioska Çeshlaroska. Do të hulumtojmë mënyra për të mbajtur mjekët dhe specializantët në vend, përmirësimin në shërbimimin e pacientëve, reformimin në shëndetin publik dhe Qendrën Klinike dhe largimin e ndikimeve partiake në shëndetësi.
