Ish kryetari i Aleancës për Shqiptarët Ziadin Sela ka zhvilluar tubimin e radhës, siç i quan ai takime me struktura të Fraksionit të ASH-së në qytetin e Dibrës. Por, ajo që është vërejtur nga burimet lokale është dështimi i këtij takimi që ka rezultuar me bojkot të aktivistëve të ASH-së në Dibër për ish kryetarin e tyre.
Fillimisht, takimi i thirrur me strukturën e qytetit të Dibrës ishte vendosur në lokacion tek salla e madhe e Pallatit të Kulturës në Dibër, që ka kapacitet për më shumë se 400 persona, për tu zhvendosur në sallën e vogël të Pallatit të Kulturës me kapacitet prej 100 personave. Së dyti, si në çdo takim tjetër, rreshtat e parë dhe të fundit të takimeve të Fraksionit të Selës janë të mbushur me funksionarë dhe aktivist të ardhur nga qytetet të tjera. Së treti, në sallë kanë qenë prezent vetëm funksionarët së bashku me familjarët që janë pjesë e ekzekutivit aktual nga dega e Dibrës dhe janë bojkotuar nga shumica e aktivistëve të ASH-së të cilët kanë vendosur ti bashkohen idesë së opozitës së bashkuar për ndryshim.
Për ndryshe, në çdo tubim të Fraksionit të Ziadin Selës vërehet vetëm prezenca e funksionarëve aktual në Qeveri, gjë që le të nënkuptohet përkrahjen e paktë që ka Sela në strukturat e ASH-së.
![](https://zeri.mk/wp-content/uploads/2024/03/IMG_5528.jpeg)
![](https://zeri.mk/wp-content/uploads/2024/03/IMG_5529.jpeg)