Zbatimi i gjuhës shqipe në ueb-faqet e institucioneve shtetërore u bë temë aktuale menjëherë pas zgjedhjeve parlamentare në Maqedoni ku pritet ndryshimi i pushtetit, përkatësisht BDI bashkë me partitë tjera të koalicionit Fronti Evropian dhe LSDM shkojnë në opozitë.
Rast konkret i moszbatimit të gjuhës shqipe është Ministria e Drejtësisë e cila në uebfaqen pravda.gov.mk edhe pse ka vendosur gjuhën shqipe sipërfaqësisht, nuk ka zbatuar dhe mund të gjeni edhe shkronja kirile të përziera me shkronajt latine të gjuhës shqipe.
Në ueb-faqen e Ministrisë së Drejtësisë që drejton ministri Krenar Lloga të gjitha dokumentet dhe dokumentacionet që i kërkon në gjuhën shqipe janë në gjuhën maqedonase dhe kjo mund të shihet në edhe sipas fotografive të siguruara.
Kujtojmë se zbatimi i gjuhës shqipe edhe pse në fushatë një nga arritjet më të mëdha të partive politike, në realitet gjuha shqipe është sipërfaqësore, ndërsa shembulli i Ministrisë së Drejtësisë është rast më i keq i zbatimit të gjuhës shqipe.
