Zëvendësdrejtori i Doganave të Maqedonisë së Veriut, Mustafa Dauti, ka reaguar me demant përmes një postimi në rrjetet sociale ndaj akuzave dhe shpifjeve të adresuara në drejtim të tij dhe institucionit, përcjell Zëri.mk
Dauti u shprehet se puna e Doganave të RMV-së sot bëhet me përgjegjësi, ligjshmëri dhe rezultate konkrete, ndërsa theksoi se vula e institucionit është në dy gjuhë, çka sipas tij përfaqëson fitore dhe dinjitet për shqiptarët.
“Institucionet nuk menaxhohen me sharje e banalitet, por me dije dhe guxim. Vula e Doganave dikur përdorej për të kontrolluar e dëmtuar shqiptarët, por sot jemi në rrethana tjera – veprojmë me dinjitet dhe përgjegjësi”, thekson Dauti.
Dauti akuzoi oponentët politikë, veçanërisht BDI-në, se po përpiqen të manipulojnë opinionin me shpifje, pasi – sipas tij – “halli i tyre nuk është gjuha në vula, por fakti që ato nuk përdoren më për favore partiake e grupore”.
Dauti kujton gjithashtu se në të kaluarën posti i zëvendësdrejtorit të Doganave ishte përmendur shpesh për akuza të rënda, ku shqiptarët ishin përballur me presione, kontrolle dhe diskriminim. Por, sipas tij, kjo periudhë i takon së kaluarës.
“Që nga dita që kam marrë këtë detyrë, nuk ka pasur asnjë rast diskriminimi apo presioni ndaj të punësuarve në Dogana. Ky është ndryshimi në vepër, jo vetëm në fjalë”, theksoi ai.
“Merruni ju me shpifje dhe ofendime ne merremi me punë konkrete dhe me fakte, por mos harroni se edhe ne dijmë të përdorim gjuhën tuaj ofenduese, por nuk e kemi zgjedhë atë mënyrë të komunikimit pasi që ne përfaqësojmë shqiptarët me dinjitet dhe vendosshmëri dhe se ne jemi ndryshimi I shumëpritur i popullit shqiptar në Republikën e Maqedonisë së Veriut dhe për atë me plot përgjegjësi them se vula e Doganës është në dy gjuhë, ndërsa vula e dështimit tuaj do të mbetet gjatë në ballin tuaj!
Nuk është gjuha ajo që ju pengon, por vulat që sot janë në duar të shqiptarëve. Institucionet nuk menaxhohen me sharje e banalitet, por me dije dhe guxim. Në fjalorin tonë nuk ka vend për mllef, por vetëm për rezultate. Vula e Doganave dikur përdorej për të kontrolluar e dëmtuar shqiptarët, por sot jemi në rrethana tjera po veprojmë me dinjitet dhe përgjegjësi!
BDI dhe hyzmetqarët e tyre nuk e kanë hallin e gjuhës në vula prandaj edhe shpifin pa turp. Halli i tyre është se vulat e Doganës nuk përdoren më për favore grupore e partiake, por qëndrojnë në duar të një shqiptari që vepron me ligj dhe përgjegjësi. Ata shpifin ne i demantojmë me fakte konkrete, ne i mbajmë vulat në dy gjuhë, ata e mbajnë vulën e dështimit që u dha populli si dënim i maltretimit për dy dekada.
Shqiptarët nuk e harrojnë se nē tē kaluarēn posti i zëvendësdrejtorit të Doganave është kujtuar shpesh për akuza të rënda se shqiptarëve u dërgoheshin kontrolle e presione të posaçme. E dhimbshme, por e vërtetë shqiptarët kanë përjetuar presion, terror dhe inspektime nga shqiptarë. Sot ironia është se edhe akuzuesi edhe i akuzuari ndodhen në të njëjtën tryezë politike të emërtuar AKI, që deri dje nuk lanë fjalë më të keqe që egziston e që i përdornin për njëri tjetrin e që sot po ata kanë filluar edhe të thurrin lavde e elozhe ndaj njëri tjetrit.
Kjo epokë i takon së kaluarës. Që nga dita që unë kam marrë këtë detyrë, nuk ka pasur asnjë rast kur ndonjë i punësuar në Doganë të ndjejë presion apo diskriminim të kësaj natyre. Ky është ndryshimi në vepër, jo vetëm në fjalë.
Ne vazhdojmë përpara. E dimë se edhe pak ka mbetur për t’ju dëbuar edhe nga pushteti lokal. Mbahuni, sepse do t’ia merrni dorën opozitës, por për këtë ju duhet kohë, reformim dhe punë.
Shqiptarët sot e kanë vulën, firmën dhe dinjitetin në duart e tyre! Shpifjet nuk kalojnë, pastrone partinë e fjalorin e pistë, reformohuni në tërësi pasi keni mjaftë kohë për ta bërë atë gjat qëndrimit tuaj të gjatë në opozitë!”, ka përfunduar Dauti./Zëri.mk/
